გიორგი მშვენიერაძე არის იურისტი საჯარო სამართლის (კონსტიტუციური სამართალი, ადამიანის უფლებათა სამართალი) მიმართულებით მუშაობის მდიდარი გამოცდილებით.
2005-2012 წლებში მუშაობდა საქართველოს სახალხო დამცველის აპარატში სხვადასხვა თანამდებობაზე. იყო სახალხო დამცველის მთავარი მრჩეველი და წარმომადგენელი საქართველოს საკონსტიტუციო სასამართლოში.
2016-2020 წლებში იყო ქართული არასამთავრობო ორგანიზაციის – საქართველოს დემოკრატიული ინიციატივის (GDI) – თავმჯდომარე. 2022 წლის თებერვლიდან არის “დემოკრატიის მცველების” თავმჯდომარე. 2007 წლიდან ეწეოდა აკადემიურ საქმიანობას და მუშაობდა სხვადასხვა უმაღლეს სასწავლებლებში.
2013 წლიდან იყო თბილისის თავისუფალი უნივერსიტეტის სამართლის სკოლის ლექტორი, ხოლო 2018 წლიდან იკავებს ასისტენტ–პროფესორის აკადემიურ პოზიციას ადამიანის უფლებათა სამართლის მიმართულებით.